Albaitaritzan lizentziatu nintzen Zaragozako Unibertsitatean 2011n. Orduan konturatu nintzen titulu hori hasiera baino ez zela. 2 urte geroago, animalientzako akupunturan diplomatu nintzen IVASen bidez (International Veterinary Acupuncture Society), eta beste 2 urteren ostean, albaitaritzako errehabilitazio- eta fisioterapia-ikastaroa burutu nuen Forvetekin Gemma del Pueyorekin (Centro de Formación Veterinaria eta Vetsia albaitaritza ospitalea).

Azkenik, AIQAk (Academia Internacional de Quiropráctica Animal) antolatutako kiropraxiako graduondokoa amaitu nuen 2021ean. Bien bitartean, gaiarekin erlazionatutako ikastaroak burutu ditut: kinesiotaping-a, neurrira egindako ortesiak, ekografia muskuloeskeletikoa, infiltrazioak, errehabilitazioan aplikatutako neurologia…, eta gaur egun Global Vet Rehabilitation-ekin zaldien diagnostikoari eta fisioterapiari buruzko prestakuntza jasotzen ari naiz.

Zaragozan lizentziatu nintzenetik, etengabe aritu naiz animalia txikien klinikan lanean, errehabilitazioarekin batera, baita atzerrian ere (Irlandan eta Ekialde Hurbilean).